कानाडे रियाँ गल्लां :)

मैं बड़े दिना ते सोची कारन था पई कुछ लिखूं. पैर मैं किता ते शुरू करूँ.. चल पहिले अपणे घराते ही करदा. मैं इत्थी ईकी मुन्डुए ने रेअहां. सै बी अहांरे ई मुल्खाते या.. पुणे ते. इत्थी डाई सालाँ ते या.. अहारा घर इया कोठीया  रिया पंज्वीन्याँ मंजला परा. अहारा घरा च दो कमरे, रसोई कने लेट्रिन-बाथरूम आ. आऊँ इक्के कमरे च रेयान कने दूजा मुंडू दूए कमरे च. कनाडे बड़ी भरी ठण्ड पवां ई, तिस खातेर इत्थे कमरे जो गरम करने खातेर गरम हवा रि व्यवस्था हुवां ई. जितने बी नलके इथी तीन च दो टुटीयां ईयाँ. इक्क गरम पानी जो कने इक ठन्डे जो. मेरे कमरे च इक बिस्तर, मेज़ कने चार कुर्सीयां इयाँ. इक अलमारी बी. तिहा च मैं कपडे कने अपणे बैग रखीरे. इक खिड़की  ई, तिहा अंदर कने बहरा ते लग-२ भीत ए. इत्ते ठंडा ते बड़ा फर्क पवां. होर बहरा रि आवाज़ ता सुनादी इ नी, जे भीत बंद ओ. कमरे रा फर्श लकडिया रा. 

कमरे रा कराया ३९० डालर आ. उपर ते बिजली पानी बगैरा लग. इत्थे बिजलिया रे स्विच पुठिया खाओ जो ओं ऑफ हुआयें. मतलब तिखाजे आहें ऑन कराएँ, उखा इत्थी ऑफ हुआयें  कने तिखाजे आहें ऑफ कराएँ, उखा इत्थी ऑन. ताला खोल्ने जो बी चाबी पुठिया खाओ जो घुमाने पवां ई. रसोई गासा रा स्विच बी पुठा ई ह्या. बिजलिया रे प्लगा ने स्विच नि हुंदा. प्लग बि लग ही हुआं. इकहरा प्लग तिस च नि लगदा..  जे कमरे ते बाहर देखो तान इक कोई ७० मजिल कोठी ई. सवेरा ५ बजे हुई जाँ कने रात १० बजे नेरा लगां हुने. हऊँ रति सादे आठ बजे अवां तान एडा लगान तान जे पई पंज सादे पंज बजे रा टाइम आ.  

ठीक आ तान फेरी, आज इतना ई. बाकि गल्लां बाद च. रई ताँ जय -२